Ord. Rovdyr --> Fam. Katter --> Slekt Panthera -->

Leopard

Panthera pardus

Leopard-lyd (36 kB)

Leoparden er eit rovdyr i kattefamilien. I same slekta høyrer løve, tiger, jaguar og snøleopard til.

Av desse storkattane er det leoparden som har størst utbreiing: Det strekkjer seg over heile Afrika, det sørlege Asia og omfatter dessutan øyane Sri Lanka og Java. Akkurat som tiger klarer leopard seg i svært ulike miljø. Det må vere nok byttedyr og gode høve til å gøyme seg under jakta osv. Me finn derfor leopard i mange slags livsrom. Ein har til og med funne ein daud leopard 5638 m oppe i Kilimanjaro - djupfrosen!

Utsjånad
Flekkteikninga på leopardpelsen er svært ulike. På ryggen er flekkane vanlegvis ordna i rosettar. Men nokre leopardar har nett som jaguarane - store, runde flekkar med prikkar i midten. Andre att er oversådde med prikkar - slik som gepardane. Og grunnfargen i pelsen varierer svært: Paletten går frå dyr med kvitaktig grunntone til dei berømte heilt svarte, som kallast Panter. Mange trur at panter er ein eigen art men det er ein leopard.

Kvifor nokre er svarte
Når ein leopard blir fødd svart skyldast det arveanlegga. Viss ein flekka og ein svart leopard parar seg, vil ungane normalt vera flekka. Viss ein av dei ungane parar seg med ein annan flekka, blir dei og normalt flekka. Men viss to flekka leopardar, som begge har ein svart far eller ei svart mor parar seg, får dei normalt iallfall ein svart unge. Viss ein flekka og ein svart leopard som begge har ein svart far eller ei svart mor, parar seg, er det sannsynlig at minst halvparten av ungane blir svarte.

---

Om Naturfakta.com | Kontakt nettsideansvarlig | Et ord om kildebruk